काठमाडौं।आसन्न नेपाली कांग्रेसको १४ औं महाधिवेशनको मिति नजिकिएसंगै दोस्रोपटक सभापतिमा उठ्ने आकांक्षा बनाउनुभएका सभापति शेरबहादुर देउवाले आफुनिटका नेतासंग छलफल सुरु गर्नुभएको छ ।
सभापति शेरबहादुर देउवाले पार्टीको साख पुरानो अवस्थामा ल्याउन आफू फेरि सभापतिमा उठ्न लागेको आफु निकटका नेताहरुलाई बताउनुभएको छ । तर सभापति देउवालाई संस्थापन इतर भन्दा पनि आफ्नै गुटका नेता निर्वतमान उपसभापति विमलेन्द्र निधिले पनि सभापतिमा आकांक्षा राख्दा देउवा अप्ठेरोमा पर्नुभएको छ । देउवाले पार्टीको साख पुरानो अवस्थामा ल्याउन आफू फेरि सभापतिमा उठ्न लागेको बताउनुभएको छ ।
आइतबार आफूपक्षीय बागमती र गण्डकी प्रदेशका केन्द्रीय नेताहरुलाई डाकेर देउवाले १४औं महाधिवेशनमा सहयोगको आग्रह गर्नुभयो । पार्टीको पूर्ववत् साख फर्काउन देशको तरल राजनीतिलाई ट्र्याकमा ल्याउन आफ्नो उम्मेदवारी हुने देउवाले बताउनुभएको छ ।देशमा प्रणाली फेर्न र संकटबाट पार लगाउन कांग्रेसको निर्णायक भूमिका रहेको स्मरण गर्दै देउवाले त्यो भूमिका आफ्नो नेतृत्वमा सम्भव हुने दावी गरेको देउवानिकट नेता मिन विश्वकर्माको भनाइ छ । तर देउवाकै खास मानिनुभएका उपसभापति विमलेन्द्र
निधिले नै देउवाकै समूहबाट सभापतिमा आफू चुनाव लड्ने भन्दै चुनौती गरीसकेको अवस्थामा देउवा आफ्नै समूहबाट अप्ठेरोमा पर्नुभएको छ ।निधि पनि सभापतिमा उठे देउवा पराजित हुने जोखिम बढ्ने भन्दै निधिलाई मिलाउन पार्टीका नेताहरुले सुझाव इिरहेका छन् । तर यसपाली निधि देउवालाई सहयोग गर्न तयार नभएको उहाँनिकट नेताहरुले बताइरहेका छन् ।देउवाको नेतृत्व उपयुक्त हुने भन्दै टिम मिलाएर अघि बढ्न सुझाव दिएको नेता विश्वकर्माको भनाइ छ । महाधिवेशनको मिति तय भएसँगै पार्टी सभापतिका आकांक्षीहरुको दौडधुप पनि सुरु भएको छ ।
सभापतिमा देउवा सहित उपसभापति विमलेन्द्र निधि, महामन्त्री डा. शशांक कोइराला, नेता डा. शेखर कोइराला, र प्रकाशमान सिंह पनि पार्टी सभापतिका लागि आकांक्षी देखिनु भएको छ ।
