• १९ फाल्गुन २०७७, बुधबार
कांग्रेस र प्रचण्ड–माधव समूहका कार्यकर्ताबीच झडप:रुकुम पश्चिमको राडी बजारमा निषेधाज्ञा


काठमाडौँ । रुकुम पश्चिमको आठबीसकोटस्थित राडी बजार क्षेत्रमा नेपाली कांग्रेस र नेपाल कम्युनिस्ट पार्टी नेकपाका कार्यकर्ताबीच झडप भएपछि स्थितिलाई नियन्त्रणमा लिन जिल्ला प्रशासन कार्यालयले निषेधाज्ञा जारी गरेको छ ।

मंगलबार साँझ ५ बजेदेखि अर्को आदेश जारी नभएसम्मका लागि निषेधाज्ञा जारी गरिएको प्रमुख जिल्ला अधिकारी बद्रीनाथ गैरेले जानकारी दिए ।

प्रशासनले मंगलबार साँझ ५ बजेदेखि पूर्वमा घारी खोला, पश्चिममा ठूलीभेरी, उत्तरमा दाजे र दक्षिणमा सीम बजार क्षेत्रसम्म लागू हुने गरी निषेधाज्ञा जारी गरेको हो ।

प्रशासनद्वारा जारी सूचना

कांग्रेस र नेकपा प्रचण्ड–माधव समूह निकट युवाबीचको विवादले उग्ररुप लिँदा राडी बजार क्षेत्र मंगलबार दिनभर तनावग्रस्त बनेको थियो । स्थितिलाई नियन्त्रणमा लिग प्रहरीले हवाइ फायर तथा अश्रुग्यास समेत प्रहार गरेको थियो ।

नेकपा प्रचण्ड–माधव समूह निकट आठबीसकोट नगरपालिका–२ का अध्यक्ष मानबहादुर चदाराको टोलीले वडा नम्बर–९ का कांग्रेस निकट वडाध्यक्ष तारक शाहीलाई आक्रमण गरेपछि विवाद उत्पन्न भएको स्थानीयले जनाएका छन् ।

Nabintech