• १६ चैत्र २०८०, शुक्रबार
बेसार पानीको सफलतापछि थ्रीएम ग्रुपको अर्को गीत सार्वजनिक


बेसार पानी गीतको सफलता पछी थ्रीएम ग्रुपले फेरी अर्को गीत सार्वजनिक गरेको छ ।

तेल खायो बत्तिले शीर्षकको गित युट्युव मार्फत जुलाई १० मा सार्वजनिक गरिएको हो । गीतमा स्वर, शब्द तथा लय प्रदिप त्रिपाठी, किशोर नेपाली, प्रदिप तिवारीको रहेको छ ।

नेपाली समाजमा प्रचलित रतौलीका शब्दहरुलाई गीतमा समेटिएको छ । बिहेमा बेहुला पक्ष बेहुली लिन गइसकेपछी बेहुलाको घरमा बेहुलाकी आमा सहित महिलाहरु जम्मा भई गाउने गीत हो रतौली । पहिले पहिले बिहे रातीको समयमामा हुने गर्दथ्यो । रतौलीमा आमाहरुले उत्ताउला गीत गाउने भएका कारण “रात उत्ताउली” भन्दा भन्दै रौतौली रहन गएको बुढापाकाहरु बताउँछन ।

गीतमा कलाकारहरुले आफ्नी आमा रतौली खेल्न गइसकेपछी आँफुले सपनामा देखेका कुरा प्रस्तुत गरेका छन । गीतको संगीत संयोजन तारानाथ आचार्यले गरेका हुन भने गीत डिजिटल स्टार रेकर्डिङ स्टुडियो पोखरामा रेकोर्ड भएको हो ।

थ्रीएम ग्रुपको निर्देशनमा तयार पारीएको गीतमा थ्रीएम ग्रुप अर्थात प्रदिप त्रिपाठी, किशोर नेपाली, प्रदिप तिवारी सहित महेन्द्र जंघ थापा क्षेत्री, शिवराज सुबेदी, बिष्णु प्रसाद बराल, कृष्ण तिवारीको अभिनय रहेको छ । गीतको छायांकन गणेश सापकोटाले गरेका हुन भने सम्पादन सुबाश अम्गाईँले गरेका हुन ।

हेर्नुहोस भिडियो

 

Nabintech