काठमाडौं । नेपाली कांग्रेसका महामन्त्री डा शशांक कोइराला कोरोनाभाइरसमुक्त हुनुभएको छ ।
उहाँले बिहीबार सामाजिक सञ्जालमार्फत् आफू कोभिड–१९ मुक्त भएको जानकारी दिनुभएको हो ।उहाँको स्वाब परीक्षणकाक्रममा बिहीबार ‘नेगेटिभ’ देखिएको हो । गत शनिबार चाबहिलस्थित ओम अस्पतालबाट उपचारपछि ‘डिस्चार्ज’ हुनुभएका महामन्त्री डा। कोइराला चिकित्सकको सल्लाहअनुसार ‘होम आइसोलेसन’मा रहनुभएको थियो ।
उहाँले अझै केही दिन होम आइसोलेसनमा बस्ने र चाँडै पार्टीको नियमित काममा फर्कने जानकारी दिनुभएको छ ।कोभिड–१९ को संक्रमण देखिएपछि केही दिन होम आइसोलेसनमा बस्नुभएका उहाँ ज्वरो र निमोनियाका कारण अस्पतालमा भर्ना हुनुभएको थियो ।
स्वास्थ्यमा सुधार आएपछि उहाँ अस्पतालबाट डिस्चार्ज भएर होम आइसोलेसनमा बस्नुभएको थियो ।
